Ang Akademikong Sulatin ay napakahalagang sulatin. Dahil dito mas maraming kaalaman ang maaari mong makuha na magpapayabong sa kaalaman na maari mong magamit upang makapagbahagi pa sa iba at para sa iyong sariling pangangailangan. Makatutulong ang Akademikong Sulatin para sa mas iparating natin ang mga nais nating sabihin na mga ideya, opinyon, saloobin, at iba pa, sa pamamagitan ng pasulat na paraan. Sa aking paggawa ng mga nakapaloob sa Akademikong sulatin ay natutunan ko ang pagiging mausisa, malikhain sa pagsasalarawan nito, makatotohanan at talagang kapupulutan ng aral ng mga mambabasa.
Sa aking paggawa ng Lakbay Sanaysay at Pictorial Essay ay natutunan kong lahat ay nangangailangan ng malikhaing mga litrato na maglalarawan sa aking nararamdaman, mga pangyayari sa aking kinabibilangan at kung ano ano pa. Ang Lakbay sanaysay na aking ginawa ay kakikitaan ito ng masayang pangyayari sa aking buhay bilang estudyante kasama ang aking mga kaibigan at mga kaklase. Dahil sa paggawa ko nito ay nakapagbalik tanaw ako sa mga masayang pangyayari sa aking buhay noong nakaraang taon. Ang Pictorial essay naman ay base sa kinabibilangan kong lipunan kaya ito’y aking naisulatan dahil sa mga nakikita kong gulo at sigalot sa ating lipunan.
Napakahalaga ng Pagsulat sa atin, hindi lang sa ating pag-aaral kundi sa ating pamumuhay sa araw araw. Dahil dito mas nakakapagbahagi tayo ng ating kaalaman, naipapahayag ang ating opinyon at mas nabibigyan ng malikhain na pagpapahayag sa bawat paggamit natin nito. Bilang estudyante pa lamang ay dahil sa Pagsulat mas naging bukas ang aking kaisipan para sa pag-intindi at pagbabahagi nito sa iba.